எப்போது வேண்டுமானாலும் உங்கள் Google கணக்கை நீக்கலாம். உங்கள் முடிவை மாற்றிக்கொண்டால், குறிப்பிட்ட காலத்திற்குப் பிறகு அதை உங்களால் மீட்டெடுக்க முடியாமல் போகலாம்.
படி 1: Google கணக்கை நீக்குவது என்றால் என்ன என்று தெரிந்துகொள்ளுதல்
- மின்னஞ்சல்கள், கோப்புகள், கேலெண்டர்கள், படங்கள் போன்று அந்தக் கணக்கில் உள்ள அனைத்துத் தரவையும் உள்ளடக்கத்தையும் இழப்பீர்கள்.
- அந்தக் கணக்கின் மூலம் உள்நுழைந்து Gmail, Drive, Calendar, Play போன்ற Google சேவைகளைப் பயன்படுத்த முடியாது.
- அந்தக் கணக்கின் மூலம் YouTube/Google Playயில் வாங்கிய சந்தாக்களுக்கும் உள்ளடக்கத்திற்குமான (ஆப்ஸ், திரைப்படங்கள், கேம்ஸ், இசை, டிவி ஷோக்கள் போன்றவை) அணுகலை இழப்பீர்கள்.
என் Google கணக்கை நீக்கியபிறகு என்னவாகும்?
Google Play
- Play ஸ்டோரிலிருந்து ஆப்ஸ்/கேம்களைப் பதிவிறக்கவோ புதுப்பிக்கவோ முடியாது.
- நீங்கள் வாங்கிய இசை, திரைப்படங்கள், புத்தகங்கள், பத்திரிகைகள் போன்றவற்றைப் பயன்படுத்த முடியாது.
- வேறு எதிலிருந்தாவது வாங்கி Google Playயில் சேர்த்திருக்கும் எல்லா இசையையும் இழப்பீர்கள்.
- உங்கள் கணக்கிலிருந்து கேமின் செயல்நிலை, சாதனைகள் ஆகியவற்றையும் பிற Google Play தரவையும் இழக்கக்கூடும்.
தொடர்புகள்
உங்கள் சாதனத்தில் தனியாகச் சேமிக்கப்படாமல் உங்கள் Google கணக்கில் மட்டுமே சேமிக்கப்பட்டிருக்கும் தொடர்புகளை இழப்பீர்கள்.
Drive
- Driveவில் தரவைச் சேமிக்க முடியாது. உங்கள் சாதனத்தைப் பயன்படுத்தி எடுத்த படங்கள், மின்னஞ்சல்களிலிருந்து பதிவிறக்கிய கோப்புகள் போன்றவை இந்தத் தரவில் அடங்கும்.
- நீக்கிய கணக்கிற்குக் கோப்புகளைப் பதிவேற்றவோ அதிலிருந்து பதிவிறக்கவோ முடியாது.
நீக்கப்பட்ட கணக்குகளுக்கு எந்தவொரு Chrome ஆப்ஸையோ நீட்டிப்பையோ பயன்படுத்த முடியாது.
இருப்பினும் நீங்கள் இவற்றைச் செய்ய முடியும்:
- உங்கள் Chromebookகைப் பிறர் தற்காலிகமாகப் பயன்படுத்த அனுமதித்தல்
- நீக்காத Google கணக்கு மூலம் உள்நுழைதல்
ஹேக் செய்யப்பட்ட என் Google கணக்கை எப்படி நீக்குவது?
ஹேக் செய்யப்பட்ட அல்லது திருடப்பட்ட Google கணக்கை நீக்குவதற்கு முன்பு, உங்கள் அனுமதி இல்லாமல் கணக்கின் எந்தெந்தப் பகுதிகள் அணுகப்பட்டன என்பது குறித்து மேலும் தெரிந்துகொள்ள பாதுகாப்புச் சரிபார்ப்பு தளத்தைப் பயன்படுத்தவும். இதன் மூலம், ஹேக்கரால் மேலும் பாதிப்புகள் ஏற்படாமல் இருக்க நீங்கள் நடவடிக்கைகளை மேற்கொள்ள முடியும். உதாரணத்திற்கு, நீங்கள்:
-
உங்கள் Google கணக்கில் கடவுச்சொற்களைச் சேமித்திருந்தால் அவை அணுகப்பட்டுள்ளனவா என்பதைத் தெரிந்துகொண்டு அவற்றை மாற்றலாம்.
-
உங்கள் Google கணக்கில் தொடர்புகளைச் சேமித்திருந்தால் அவை பதிவிறக்கப்பட்டுள்ளனவா என்பதைத் தெரிந்துகொண்டு சந்தேகத்திற்குரிய மெசேஜ்கள் வந்தால் கவனமாக இருக்கும்படி தொடர்புகளுக்குத் தெரிவிக்கலாம்.
-
பணப் பரிவர்த்தனைகளுக்கு Google Walletடைப் பயன்படுத்தினால் அங்கீகரிக்கப்படாத பேமெண்ட்டுகள் செய்யப்பட்டுள்ளனவா என்று சரிபார்த்து அவற்றைப் புகாரளிக்கலாம்.
முக்கியம்: உங்கள் கணக்கு நீக்கப்பட்ட பின்னர் அந்தக் கணக்கின் செயல்பாட்டைப் பார்க்க, இனி பாதுகாப்புச் சரிபார்ப்பைப் பயன்படுத்த முடியாது.
படி 2: உங்கள் Google கணக்குத் தகவல்களைச் சரிபார்த்தலும் பதிவிறக்குதலும்
உங்கள் Google கணக்கை நீக்குவதற்கு முன்பு:
- உங்கள் கணக்கில் உள்ள தகவலைச் சரிபாருங்கள். நீங்கள் தக்கவைத்துக்கொள்ள விரும்பும் தரவை எப்படிப் பதிவிறக்குவது என்று தெரிந்துகொள்ளுங்கள்.
- ஆன்லைன் பேங்கிங், சமூக வலைதளங்கள், ஆப்ஸ் போன்றவற்றுக்காக Gmail முகவரியைப் பயன்படுத்துகிறீர்கள் என்றால் இந்தச் சேவைகளுக்குப் புதிய மின்னஞ்சல் முகவரியைச் சேருங்கள்.
- பிற்காலத்தில் உங்கள் கணக்கை மீட்டெடுக்க முயலும்போது உதவக்கூடிய வகையில் உங்கள் கணக்கு மீட்புத் தகவலைச் சமீபத்தியதாக வைத்திருங்கள். மீட்புத் தகவலை எப்படிச் சேர்ப்பது என்று தெரிந்துகொள்ளுங்கள்.
படி 3: உங்கள் Google கணக்கை நீக்குதல்
முக்கியம்: உங்களிடம் ஒன்றுக்கு மேற்பட்ட Google கணக்கு இருந்தால், ஒரு கணக்கை நீக்கும்போது மற்ற கணக்குகள் நீக்கப்பட்டுவிடாது.
- myaccount.google.com என்பதற்குச் செல்லவும்.
- இடதுபுறத்தில் உள்ள தரவு & பிரத்தியேகமாக்குதல் என்பதைக் கிளிக் செய்யவும்.
- "பதிவிறக்கு, நீக்கு அல்லது எனது தரவிற்குத் திட்டத்தை உருவாக்கு" என்பதற்குச் செல்லவும்.
- சேவை/எனது கணக்கை நீக்கு என்பதைக் கிளிக் செய்யவும்.
- எனது கணக்கை நீக்கு என்பதைக் கிளிக் செய்யவும்.
உங்கள் Gmail கணக்கை நீக்குதல்
உங்கள் Google கணக்கில் இருந்து Gmail கணக்கை அகற்றலாம். அதை நீக்குவதால் உங்கள் ஒட்டுமொத்த Google கணக்கும் நீக்கப்பட்டுவிடாது.
முக்கியம்: உங்கள் Google கணக்கை நீக்கினால் உங்கள் Gmail கணக்குடன் தொடர்புடைய தரவும் நீக்கப்படும். அதன்பிறகு அந்த Gmail கணக்கில் உங்களால் உள்நுழைய முடியாது.
உங்கள் Google கணக்கை நீக்காமல் Gmail கணக்கை நீக்குதல்
முக்கியம்: உங்கள் Google கணக்கை நீக்காமல் Gmail கணக்கை நீக்க, உங்கள் Google கணக்குடன் தொடர்புடைய வேறொரு மின்னஞ்சல் முகவரி இருக்க வேண்டும்.
- உங்கள் Google கணக்கிற்குச் செல்லவும்.
- இடதுபுறத்தில் உள்ள தரவு & தனியுரிமை என்பதைத் தேர்ந்தெடுக்கவும்.
- "நீங்கள் பயன்படுத்தும் ஆப்ஸ் & சேவைகளில் இருந்து பெறப்படும் தரவு" என்பதற்குச் செல்லவும்.
- Google சேவையை நீக்குதல் என்பதைத் தேர்ந்தெடுக்கவும்.
- "Gmail" என்பதற்கு அடுத்துள்ள நீக்குவதற்கான ஐகானை
தேர்ந்தெடுக்கவும்.
- நீங்கள் உள்நுழைய விரும்பும் ஏற்கெனவே உள்ள மின்னஞ்சல் முகவரியை டைப் செய்யவும்.
- சரிபார்ப்பு மின்னஞ்சலை அனுப்பு என்பதைத் தேர்ந்தெடுக்கவும்.
- ஏற்கெனவே உள்ள மின்னஞ்சல் முகவரியை உறுதிப்படுத்த அந்த மின்னஞ்சல் முகவரியில் ஒரு மின்னஞ்சலைப் பெறுவீர்கள். புதிய மின்னஞ்சல் முகவரியை நீங்கள் உறுதிப்படுத்தாத வரை உங்கள் Gmail முகவரி நீக்கப்படாது.
தேர்ந்தெடுக்கவும்.என் Google கணக்கில் இருந்து பிற சேவைகளை எப்படி அகற்றுவது?
உங்கள் Google கணக்கை முழுவதுமாக நீக்க விரும்பவில்லை எனில் இவற்றைப் பற்றித் தெரிந்துகொள்ளவும்:
மொபைலில் இருந்து என் Google கணக்கை எப்படி அகற்றுவது?
கணக்கை நீக்காமல் உங்கள் மொபைலில் இருந்து மட்டும் அதை அகற்ற, கீழே உள்ள வழிமுறைகளைப் பின்பற்றவும். பட்டியலில் உங்கள் மொபைல் இல்லை என்றால், அதன் தயாரிப்பாளரின் உதவித் தளத்தைப் பார்க்கவும்.
என் Google கணக்கை எப்படி மீட்டெடுப்பது?
உங்கள் முடிவை மாற்றிக்கொண்டாலோ Google கணக்கைத் தவறுதலாக நீக்கியிருந்தாலோ குறிப்பிட்ட காலத்திற்குள் அதை மீட்டெடுக்க வாய்ப்புள்ளது. உங்கள் கணக்கை மீட்டெடுப்பது எப்படி என்று தெரிந்துகொள்ளுங்கள்.
